Brautskráning og skólaslit

Í dag voru 52 nemendur brautskráðir frá Fjölbrautaskóla Vesturlands. Athöfnin fór fram á sal skólans og hófst klukkan 14. Dröfn Viðarsdóttir aðstoðarskólameistari flutti annál vorannar 2016; Elínborg Egilsdóttir nýstúdent flutti ávarp fyrir hönd útskriftarnema og Sævar Freyr Þráinsson fyrrverandi nemandi skólans flutti ávarp. Hrefna Berg Pétursdóttir hlaut viðurkenningu skólans fyrir bestan árangur á stúdentsprófi á haustönn 2016.

Við athöfnina fluttu útskriftarnemarnir Hjördís Tinna Pálmadóttir, Hrefna Berg Pétursdóttir, Margrét Brandsdóttir, Ólafía Laufey Pétursdóttir og Sigurlaug Rún Hjartardóttir nokkur lög. Þær fluttu einnig nokkur jólalög fyrir athöfnina ásamt Birgi Þórissyni sem lék á píanó.

Útskriftarnemar ásamt Ágústu Elínu Ingþórsdóttur skólameistara og Dröfn Viðarsdóttur aðstoðarskólameistaraÚtskriftarnemar ásamt Ágústu Elínu Ingþórsdóttur skólameistara og Dröfn Viðarsdóttur aðstoðarskólameistara

Nokkrir útskriftarnemar fengu verðlaun og viðurkenningar fyrir ágætan námsárangur og störf að félags- og menningarmálum. Nöfn þeirra sem gáfu verðlaun eru innan sviga.

  • Alexandra Bjarkadóttir fyrir ágætan árangur í félagsgreinum (Verkalýðsfélag Akraness); fyrir ágætan árangur í íþróttum (Omnis Verslun) og fyrir ágætan árangur í þýsku (Þýska sendiráðið)
  • Atli Vikar Ingimundarson fyrir góð störf að félags- og menningarmálum (Minningarsjóður Karls Kristins Kristjánssonar)
  • Bakir Anwar Nassar fyrir ástundun og framfarir í námi (Norðurál)
  • Dóra Marín Karvelsdóttir fyrir ágætan árangur í frönsku (Íslandsbanki á Akranesi)
  • Elínborg Egilsdóttir fyrir ágætan árangur í raungreinum (Gámaþjónusta Vesturlands) og fyrir góð störf að félags- og menningarmálum (Minningarsjóður Karls Kristins Kristjánssonar)
  • Elmar Gísli Gíslason fyrir góð störf að félags- og menningarmálum (Minningarsjóður Karls Kristins Kristjánssonar)
  • Finnur Ari Ásgeirsson fyrir góð störf að félags- og menningarmálum (Minningarsjóður Karls Kristins Kristjánssonar)
  • Harpa Rós Daníelsdóttir fyrir ágætan árangur í dönsku og þýsku (FVA)
  • Hjördís Tinna Pálmadóttir fyrir ágætan árangur í íslensku og sögu (Penninn Eymundsson Akranesi); fyrir ágætan árangur í stærðfræði (Elkem Ísland) og fyrir ágætan árangur í þýsku (Þýska sendiráðið)
  • Hrefna Berg Pétursdóttir fyrir ágætan árangur í félagsgreinum (Rótarýklúbbur Akraness); fyrir ágætan árangur í íslensku (Landsbankinn á Akranesi) og fyrir ágætan árangur í dönsku og þýsku (FVA)
  • Ólafía Laufey Steingrímsdóttir fyrir ágætan árangur í íslensku og félagsgreinum (Soroptimistasystur á Akranesi) og fyrir ágætan árangur í þýsku (Þýska sendiráðið)
  • Óli Heiðar Arngrímsson fyrir ágætan árangur í rafiðngreinum (Meitill og GT Tækni)
  • Sólrún Sigþórsdóttir fyrir ágætan árangur í félagsgreinum (Íslandsbanki á Akranesi)
  • Þórey Petra Bjarnadóttir fyrir ágætan árangur í íslensku (Norðurál) og fyrir ágætan árangur í stærðfræði (Skaginn)

Ágústa Elín Ingþórsdóttir skólameistari ávarpaði útskriftarnemendur í lokin og óskaði þeim gæfu og velfarnaðar. Síðan risu gestir úr sætum og sungu saman Bráðum koma blessuð jólin eftir Jóhannes úr Kötlum.

Nemandi í námi í húsgagnasmíði

Katarína Stefánsdóttir er í námi í húsgagnasmíði við FVA og er þetta í fyrsta sinn sem boðið er upp á slíkt nám í skólanum. Sjá viðtal við Katarínu á skagafrettir.is

Sjúkrapróf á morgun

Á morgun, föstudag, fara fram sjúkrapróf í skólanum skv. eftirfarandi dagskrá:

Kl. 9 Kl. 13
EFN2AE05 EÐLI2EN05
FÉLA1BY05 ENSK2EV05
GRT1036 HJÚ4036
HÚB102 /SVH102 ÍSLE2RL05
HJÚ3036 ÍSLE3BF05
JARF2JA05
LÍFV1GN05
SAGA1ÞM05
SAGA2UN05
SKY1012
SPÆN1BY05
SPÆN1SB05
STÆR2ML05
STÆR2TL05
STÆR3FA05
ÞÝS4036
ÞÝSK1BÞ05
UMHV2OF05

Herbergi laus á heimavist vorönn 2017

Nemendur frá FVA fulltrúar Íslands í „United Nations Pilgrimage of Youth“, fjölþjóðlegu samstarfsverkefni Oddfellowreglunnar og Sameinuðu þjóðanna

Nýlega voru tveir nemendur frá Fjölbrautaskóla Vesturlands á Akranesi (FVA) valdir til að vera fulltrúar Íslands í fjölþjóðlegu samstarfsverkefni Oddfellowreglunnar og Sameinuðu þjóðanna. Valið fór þannig fram að nemendur gerðu ritgerðir í enskuáfanga sem tengjast starfsemi Sameinuðu þjóðanna. Enskukennarar völdu 10 bestu ritgerðirnar og valnefnd frá Oddfellowreglunni tók síðan viðtöl við þá nemendur og valdi úr hópnum tvo fulltrúa sem fara í ferðina.

Bergsveinn Logi Ríkharðsson, Aðalbjörg Egilsdóttir, Bergþór Guðmundsson, Jóna María Kjerúlf, Ágústa Elín IngþórsdóttirBergsveinn Logi Ríkharðsson, Aðalbjörg Egilsdóttir, Bergþór Guðmundsson, Jóna María Kjerúlf, Ágústa Elín Ingþórsdóttir

Lesa meira...

Foreldradagur á Starfsbraut

Síðastliðinn mánudag buðu nemendur starfsbrautar foreldrum sínum, öðrum vandamönnum og stjórnendum skólans að kíkja í heimsókn og skoða afrakstur haustannar. Nemendur í starfsnámi héldu kynningar á störfum sem þau hafa verið að kynna sér og nemendur í handverki sýndu muni sem þau höfðu ýmist útbúið eða lagfært. Að því loknu var boðið upp á kaffi og konfekt, jólaöl og piparkökur. Sýningin var haldin á síðasta formlega kennsludegi haustannar, lokapróf hófust svo á þriðjudag.

Akraneskaupstaður styrkir FVA til tækjakaupa

Á fundi bæjarráðs Akraness þann 24. nóvember s.l. var samþykkt að styrkja FVA um milljón krónur til tækjakaupa árið 2017. „Bæjarráð tók undir orð Ágústu Elínar Ingþórsdóttur skólameistara Fjölbrautarskóla Vesturlands í erindi sínu til Akraneskaupstaðar, dags. 14. nóvember sl., um mikilvægi þess að efla iðn og tæknimenntun á Íslandi og telur bæjarráð brýnt að Fjölbrautarskóli Vesturlands fái nægt fjármagn í fjárlögum til að endurnýja nauðsynlegan tækjabúnað. Iðngreinar eru mikilvæg stoð í atvinnulífinu á Vesturlandi og nauðsynlegt að búa starfsfólki og nemendum góða aðstöðu og nauðsynleg tæki“ (http://www.akranes.is/is/frettir/askorun-til-radherra-um-aukin-framlog-til-fjolbrautarskola-vesturlands).

Fjölbrautaskóli Vesturlands er þátttakandi í KOMPÁS Þekkingarsamfélaginu

Skólinn hefur gert samning við KOMPÁS sem er fræðslu- og þekkingarvefur um miðlun hagnýtra upplýsinga. Hugmyndafræði KOMPÁS byggir á þeirri staðreynd að þekking verður því verðmætari sem hún er aðgengilegri. KOMPÁS er öflugur samstarfsvettvangur fjölda fyrirtækja, stofnana, háskóla, sveitarfélaga, stéttarfélaga, fræðsluaðila og fleiri. Skólinn sér hag af þátttöku í KOMPÁS samfélaginu, með því að gera góðan vinnustað enn betri.

 Fjölbrautaskóli Vesturlands Akranesi | Vogabraut 5 | Sími: 433-2500 | skrifstofa(hjá)fva.is 
Kennitala: 681178-0239 | Opnunartími skrifstofu virka daga: 8:00-12:30 og 13:00-15:00