Háskóladagurinn í dag og frumsýning á morgun

Í morgun mættu fulltrúar allra háskóla landsins og nemendum okkar námsframboð sitt. Það var mjög góð mæting hjá okkar nemendum og einnig voru 10. bekkingar boðnir að koma. Á facebooksíðu skólans má sjá nokkrar myndir frá deginum. Einnig viljum við minna ykkur á að sýningar á Ronju Ræningjadóttur hefjast um helgina. Frumsýning á morgun klukkan 13:00 og önnur sýning á sunnudaginn kl. 15:00. Hægt er að kaupa miða hér

 

 

Ronja Ræningjadóttir

Söguna um hana Ronju Ræningjadóttur þekkja allir.

Ronja birtist á sviði Bíóhallarinnar á Akranesi ásamt ræningjahóp föður síns og berst við álfa og huldufólk og allskyns kynjaverur.

Frábær sýning fyrir alla fjölskylduna sem sett er upp af Leiklistarklúbb nemendafélags Fjölbrautaskóla Vesturlands.

Lesa meira...

Háskóladagurinn - kynning 10. mars

Þann 3. mars var háskóladagurinn haldinn í Háskóla Íslands, Háskóla Reykjavíkur og Listaháskóla Íslands. Þar kynntu allir sjö háskólar landsins yfir 500 námsbrautir sem í boði eru. Föstudaginn 10. mars munu fulltrúar allra háskóla koma til okkar og kynna námsframboð hvers skóla. Kynningin verður í sal skólans og hefst kl. 10:00

Bergdís Fanney í U17 landslið Íslands í knattspyrnu

Bergdís Fanney Einarsdóttir er nemandi hjá okkur á afreksíþrótta sviði. Bergdís Fanney er á fyrsta ári og var nýlega valin í U17 landslið Íslands í knattspyrnu. Við óskum henni innilega til hamingju og hvetjum alla til að lesa viðtal við þessa duglegu stúlku sem birt var á  heimasíðu Skagafrétta á dögunum

Opnir dagar og árshátíð NFFA

Í dag lýkur opnum dögum, dagskráin hefur verið fjölbreytt og skemmtileg. Það var meðal annars boðið uppá samflot, félagsvist, hot jóga, brjóstsykursgerð, brauðbakstur, klifur, bandýmót, kaffihúsakvöld, fjöltefli, keilu, skíðaferð, skautaferð og fjöldan allan af fyrirlestrum. Á facebook síðu skólans verður hægt að skoða myndir af nokkrum viðburðum. Árshátíð NFFA verður svo haldin hátíðleg í kvöld á sal skólans. Húsið mun opna á slaginu 17:30 og hefst borðhald um 18:15 - mikilvægt að mæta tímanlega!
Engir aðrir en hinir einu og sönnu SIMMI OG JÓI verða veislustjórar og halda uppi stuðinu í matnum.

Lesa meira...

Vel heppnað opið hús og opnir dagar

Það mikið líf og fjör í skólanum núna og varla tími til að setjast niður og segja frá. Á mánudaginn síðastliðinn var opið hús hjá okkur á milli kl. 17:00 og 19:00. Við vorum ánægð með góða mætingu og vel heppnað opið hús. Í gær byrjuðu opnir dagar hjá okkur. Þá brjótum við upp hefðbundna kennslu og nemendur sækja fjölbreytta viðburði og námskeið í staðin. Á meðfylgjandi mynd má sjá nemendur og kennara keppa í bandý en kennarar unnu með yfirburðum (og mögulega einhverju svindli líka ;) ) Fleiri myndir eru á facebooksíðu skólans.

Opið hús í FVA á mánudaginn

„Ég er bara Ronja“

Í nýjasta tölublaði Skessuhorns er viðtal við Aldísi Eir sem fer með aðalhlutverkið í leikritinu Ronju sem leiklistaklúbbur NFFA er að setja upp.  Hallgrímur Ólafsson leikstýrir hópnum, Sara Hjördís Blöndal sér um búninga og sviðsmynd og Birgir Þórisson sér um tónlistina. Síðan eru 40-50 nemendur sem koma að sýningunni á einn eða annan hátt. Hér er hægt að lesa smá part af viðtalinu.

 Fjölbrautaskóli Vesturlands Akranesi | Vogabraut 5 | Sími: 433-2500 | skrifstofa(hjá)fva.is 
Kennitala: 681178-0239 | Opnunartími skrifstofu virka daga: 8:00-12:30 og 13:00-15:00