Rafvirkjun

Nám á Rafvirkjabraut (RAF) er bæði verklegt og bóklegt og er ætlað að veita nemendum iðnmenntun í rafvirkjun. Námið samanstendur af bóklegum og verklegum áföngum í rafvirkjun og almennum áföngum í bóklegum greinum sem veita undirstöðuþekkingu. Inntökuskilyrði á brautina er að hafa lokið grunnskóla með lágmarks-hæfnieinkunn B í stærðfræði og C í íslensku, eða að hafa lokið 1. þreps áföngum í þessum greinum.

Nám á rafvirkjabraut er 240 eininga löggilt iðnnám sem lýkur með burtfararprófi á 3. þrepi. Námið skiptist í bóklegt og verklegt nám í skóla og er starfsþjálfun á vinnustað með ferilbók til 50 eininga. Að fengnu prófskírteini sem vottar útskrift af viðkomandi námsbraut getur nemandi sótt um að taka sveinspróf sem leiðir til útgáfu sveinsbréfs. Nám á rafvirkjabraut tekur að jafnaði 6 annir.

Námið er bæði bóklegt og verklegt. Í básavinnu er skylda að vera í skóm með stáltá og þurfa nemendur sjálf að útvega slíka skó, skólinn útvegar annan nauðsynlegan búnað, ss. hlífðargleraugu.

Prentvæn útgáfa
Annarskipulag sérgreina brautarinnar