Sjúkraliði – Dreifnám

Sjúkraliðanám með vinnu er fjarnám með staðbundnum lotum þar sem nemendur koma í skólann u.þ.b. einn dag í mánuði. Fyrra nám er metið skv. skólanámskrá.  Gert er ráð fyrir að nemendur sem innritast í námið hafi náð 23ja ára aldri. Yngri umsækjendur geta sótt um undanþágu frá aldurskröfu til skólameistara og með þeirri umsókn skal senda upplýsingar um starfsreynslu við umönnun og meðmæli frá a.m.k. einum vinnuveitanda. Kennsla fer fram á íslensku.

Mætingaskylda
Í staðlotum hjá sjúkraliðanemendum er 80% mætingaskylda. Tekið er tillit til aðstæðna s.s. vegna veðurs eða veikinda. Nemendur tilkynni forföll  til skrifstofu skólans og/eða með tölvupósti til kennara.

Sömu námskröfur eru gerðar til allra nemenda skólans og allir nemendur taka sömu próf. Öll lokapróf eru tekin á próftíma skólans (des og maí).

Sótt er um sjúkraliðanám í dreifnámi hér.

Brautarlýsing sjúkraliðabrautar 

Áætlun um námsframvindu í dreifnámi á sjúkraliðabraut

Dagsetningar staðlota haustönn 2027

Birt með fyrirvara um breytingar