fbpx

Atvikaskráning

Hjá FVA eru skráð öll atvik sem hafa átt sér stað í skólanum, bæði í skólastarfinu og annarri starfsemi, þ.e. slys, óhöpp og atvik þar sem lá við slysi sem varð þó ekki (næstum því slys).

Atvik sem eiga sér stað í félagsstarfi, á samkomum eða í ferðum á vegum skólans falla einnig hér undir.

Skrán­ingin er fram­kvæmd þegar atvik hefur átt sér stað en viðbrögð við slysum eða óhöppum eru í samræmi við stefnu skólans um öruggt og heilsusamlegt vinnuumhverfi.

Starfsmaður/nemandi sem verður fyrir atviki/slysi skráir atvikið samkvæmt leiðbeiningum, eða eftir atvikum annar, eftir því sem við á, s.s. samstarfsmaður/kennari.

Skráningin (slys/óhapp/næstum því slys (hættulegt tilvik)) fer til öryggistrúnaðarmanna og öryggisvarða, skólameistara, aðstoðarskólameistara og gæðastjóra sem fylgjast með afleiðingum, rýna tildrög og greina mögulegar úrbætur og forvarnir til að efla öryggi í skólanum.

Ef atvikið/slysið leiðir til þess að viðkomandi verði óvinnufær í einn eða fleiri daga umfram þann dag sem atvikið/slysið varð skal tilkynna um það til Vinnueftirlitsins innan viku frá atviki/slysadegi. Skólameistari ber ábyrgð á að tilkynna vinnuslys til Vinnueftirlitsins.  

Fylgiskjal/-skjöl:

3 + 10 =