Náttúru­­vísinda­braut

Náttúruvísindabraut (NÁT) er ætlað að veita nemendum góða, almenna undirstöðuþekkingu í bóklegum greinum með áherslu á sérsvið náttúruvísinda. Brautin býr nemendur m.a. undir framhaldsnám í háskóla í raunvísindum, stærðfræði, verkfræði og heilbrigðisgreinum. 

Inntökuskilyrði á brautina er að hafa lokið grunnskóla með lágmarks-hæfnieinkunn B í stærðfræði og C í íslensku, eða að hafa lokið 1. þreps áföngum í þessum greinum. Nám á brautinni er 200 einingar og tekur að jafnaði 6 annir að ljúka því.

Nemendur þurfa að gæta þess að uppfylla skilyrði aðalnámskrár um þrepaskiptingu námseininga á stúdentsprófsbrautum.