Heilsuvikan hófst í morgun hér í FVA með kynningu á sal og að henni lokinni kepptu kennarar og nemendur sín á milli í 2500 metra róðri. Róið var af miklu öryggi og greinilega reynsluboltar á ferð í báðum liðum. Mjótt var á munum og svitinn bogaði af mannskapnum, en svo fór að lið kennara fór með sigur af hólmi. Ekki munaði þó nema um 120 metrum!
Í dag er svo á dagskrá fjallganga á Akrafjall með Jóku og Hildi Karen, mæting á bílastæðið við Akrafjall kl. 16:30. Í kvöld hefst Winter Cup fótboltamót kl. 20:30 á Jaðarsbökkum og vonandi mæta sem flestir að hvetja sitt lið til dáða. Eins og alþjóð veit þá er Winter Cup undankeppni fyrir West Side sem fer fram á fimmtudaginn þegar við í FVA tökum á móti liðum frá MB og FSN og keppt verður í hinum ýmsu íþróttagreinum svo og Gettu betur!