tölvu- og netþjónusta

Staðsetning

Skrifstofa kerfisstjóra er á jarðhæð í B-álmu (hjá húsverði)

Starfsfólk

Umsjón tölvukerfis hafa
Sigurjón Jónsson og
Halldór R. Guðjónsson

Hafa samband

Aðstoð vegna tölvu- og netmála er veitt í gegnum netfangið hjalp@fva.is

ÞRÁÐLAUST NET

Starfsmenn og nemendur FVA hafa aðgang að innra neti skólans og þráðlausu interneti. Aðgangur að innra neti skólans felur í sér notkun á prenturum, skönnum, geislaskrifurum, einkasvæði og sameiginlegu gagnasvæði. Þráðlaust netsamband næst allstaðar í húsakynnum skólans og þar með talið heimavist.

PRENTUN / SKÖNNUN

Nemendur fá 50 síðna prentkvóta í upphafi annar. Hægt er að kaupa viðbótarprentkvóta á skrifstofu og á bókasafni, upplýsingar um verð eru í gjaldskrá. Nemendur komast í prentara og skanna á bókasafni. Tölvuver er opið mánudaga til fimmtudaga kl. 8:15 – 16:00 og föstudaga kl. 8:15 – 14:00.

LYKILORÐ

Lykilorðum er úthlutað í byrjun hverrar annar og gilda þau lykilorð alla skólagönguna. Gleymist lykilorð að tölvum skólans er hægt að sækja um nýtt á skrifstofu skólans.

Að breyta lykilorði að tölvukerfi skólans: Þú skráir þig inn á tölvu og þegar Windows er komið í gang heldur þú niðri lyklunum <Ctrl> og <Alt> sem eru neðst til vinstri á lyklaborðinu og slærð á lykilinn <Del> sem er neðst til hægri. Á myndinni sem þá kemur upp smellir þú með músinni á hnappinn „Change Password“ og fylgir leiðbeiningum sem birtast á skjánum.

OFFICE 365

Allir nemendur skólans hafa aðgang að Office365.
Það þýðir m.a. að:
1. Nemendur geta sett upp office forrit á allt að 5 tæki (PC, Makka, spjaldtölvur og síma)
2. Nemendur geta unnið í office forritunum online
3. Nemendur hafa fengið útlhutað 1TB plássi á Microsoft OneDrive

Notandanafn ykkar og lykilorð sem þið hafið að tölvum skólans gilda einnig inn á Office365, en þið þurfið að bæta @365.fva.is aftan við notandanafnið ykkar.

Þegar lykilorðum af tölvukerfinu í skólanum er breytt breytast lykilorð að Office365 sjálfkrafa (gæti tekið um klst).

Innskráning á Office365

INNA

Aðgangur að Innu – forráðamenn
Forráðamenn nemenda yngri en 18 hafa aðgang að Innu með rafrænum skilríkjum.

Aðgangur að tölvukerfum og Innu – nemendur
Til þess að hafa aðgang að tölvum í FVA þarf að hafa notandanafn (notandanafn er kennitala nemenda) og lykilorð.  Notendur tengjast Innu með íslykli eða rafrænum skilríkjum.

Að breyta eða bæta við netfangi í Innu: Ef netfangið er ekki rétt í Innu (gildir bæði fyrir forráðamenn og nemendur) skal senda tölvupóst til skrifstofa@fva.is með ósk um að fá netfang skráð í Innu. Tölvupóstinn verður að senda úr netfanginu sem skrá skal sem netfang í Innu.

FARTÖLVUR

Nemendum með fartölvur gefst kostur á að tengjast þráðlausu neti FVA.  Fartölvunotendur eru skyldugir til að sjá til þess að tölvan hafi uppsett gott vírusvarnarforrit með reglulegum uppfærslum. Einnig er nauðsynlegt að uppfæra windows stýrikerfi reglulega hjá microsoftFartölvur sem eru sýktar af vírusum eða illa uppfærðar verða útilokaðar frá netinu þar til þessi mál eru komin í lag.

Skápar til að geyma og hlaða fartölvur eru á tveimur stöðum í skólanum Á neðri hæð austurbyggingar (fyrir framan skrifstofur námsráðgjafa) og á tengigangi milli bóksasafnsgangs og D100 gangs. Skápunum er hægt að læsa með hengilás (nemendur útvega sér hengilás sjálfir). Í skápunum eru tenglar til að hlaða fartölvur. Skáparnir standa öllum nemendum með fartölvur til boða.

TÖLVUPÓSTUR

Allir nemendur skólans hafa aðgang að pósthólfi í gegnum Office365. Netfangið er kennitala@365.fva.is og lykilorðið það sama og að tölvum skólans. Engin skylda er að nota þetta netfang og í samskiptum við nemendur er notast við það netfang sem skráð er í Innu hverju sinni.

Hafðu samband ef þú ert í vanda!

8 + 13 =