Í dag, þann 18. desember 2021, voru 45 nemendur brautskráðir frá Fjölbrautaskóla Vesturlands við hátíðlega athöfn á sal skólans. Alls 14 stúlkur og 31 piltur brautskráðust, þrír nemendur luku burtfararprófi í húsasmíði, 15 luku burtfararprófi úr rafvirkjun, þrír luku burtfararprófi úr vélvirkjun, þrír luku stúdentsprófi til viðbótar við lokapróf úr iðngrein og 21 nemandi lauk stúdentsprófi.
Að þessu sinni var mögulegt að bjóða gestum að vera viðstaddir athöfnina þrátt fyrir sóttvarnartakmarkanir, en allir viðstaddir þurftu að framvísa neikvæðri niðurstöðu úr hraðprófi við innganginn.
Dröfn Viðarsdóttir, aðstoðarskólameistari, setti athöfnina og Steinunn Inga Óttarsdóttir, skólameistari flutti ávarp. Marinó Rafn Guðmundsson, 10 ára stúdent, ávarpaði útskriftarnema og hvatti þá til að líta á nám sem tækifæri og gefast aldrei upp. Gylfi Karlsson flutti einnig ávarp fyrir hönd útskriftarnema.
Í athöfninni ómaði tónlist sem Valgerður Jónsdóttir, bæjarlistamaður Akraness 2021 annaðist, en hún söng Meiri snjó (lag: J. Styne / S. Cahn og texti: Ólafur Gaukur) og Jólin alls staðar (lag: Jón Sigurðsson, texti: Jóhanna G. Erlingsson).
Eftirtaldir nemendur fengu verðlaun og viðurkenningar t.a.m. fyrir ágætan námsárangur og störf að félags- og menningarmálum. Nöfn þeirra sem gefa verðlaun eru innan sviga:
- Andri Þór Einarsson fyrir góðan árangur í rafiðngreinum (VS Tölvuþjónustan) og Kötluverðlaunin fyrir bestan árangur iðnnema.
- Aníta Ólafsdóttir fyrir góðan árangur í íslensku (Íslandsbanki), fyrir ágætan árangur í raungreinum (Terra) og fyrir frábæran árangur í stærðfræði (Elkem)
- Anna Magný Ellertsdóttir fyrir góðan árangur í íslensku (Penninn Eymundsson)
- Antonía Líf Sveinsdóttir fyrir góðan árangur í ensku (Landsbankinn) viðurkenningu fyrir framlag sitt til félagsstarfa (Minningarsjóður Karls Kristins Kristjánssonar) auk viðurkenningar og sérstakra hvatningarverðlauna frá Zonta klúbbnum.
- Árni Þórir Heiðarsson fyrir framlag sitt til félagsstarfa (Minningarsjóður Karls Kristins Kristjánssonar)
- Ásdís Ýr Þorgrímsdóttir fyrir góðan árangur í íslensku (Rótarýklúbbur Akraness) og góðan árangur í samfélagsgreinum (VLFA)
- Bergþór Ægir Ríkharðsson fyrir ágætan árangur í rafiðngreinum (RAFPRÓ)
- Bjarki Rúnar Ívarsson fyrir ágætan árangur í íþróttagreinum (FVA)
- Erlend Magnússon fyrir ágætan árangur í rafiðngreinum (Akraborg)
- Gylfi Karlsson fyrir ágætan árangur í rafiðngreinum (Vogir og Lagnir) og fyrir framlag sitt til félagsstarfa í FVA (Minningarsjóður Karls Kristins Kristjánssonar)
- Helgi Jón Sigurðsson fyrir ágætan árangur í rafiðngreinum (Skaginn 3X)
- Miriam Arna Daníelsdóttir Glad fyrir ágætan árangur í dönsku (Danska sendiráðið)
- Patrekur Orri Unnarsson fyrir framlag sitt til félagsstarfa (Minningarsjóður Karls Kristins Kristjánssonar)
- Ronja Rut Ragney Hjartardóttir fyrir framlag sitt til félagsstarfa (Minningarsjóður Karls Kristins Kristjánssonar)
- Þorgils Sigurþórsson fyrir ágætan árangur í rafiðngreinum (Norðurál)
Aníta Ólafsdóttir hlaut viðurkenningu skólans fyrir bestan árangur á stúdentsprófi með einkunnina 9,39.
Steinunn Inga Óttarsdóttir, skólameistari Fjölbrautaskóla Vesturlands 
Gylfi Karlsson flutti ávarp fyrir hönd útskriftarnema 
F.v. Steinunn Inga Óttarsdóttir, skólameistari FVA, Aníta Ólafsdóttir, dúx FVA, og Dröfn Viðarsdóttir, aðstoðarskólameistari FVA