Jafnrétti - Virðing - Fjölbreytileiki

Mánudaginn 27. mars var haldinn „þjóðfundur“ hjá okkur í Fjölbrautaskóla Vesturlands. Tilgangur fundarins var að finna út hvaða gildi FVA ætti að hafa að leiðarljósi. Fundargestum, nemendum og starfsmönnum, var skipt niður í 40 hópa og voru um níu manns í hverjum þeirra. Á mörgum borðum skapaðist lífleg umræða um raungildi og óskagildi skólans. Hver hópur valdi

fimm gildi og þurfti að skilgreina fyrir hvað þau standa. Það komu fram margar góðar hugmyndir en niðurstaðan var skýr þegar kom að samantektinni. Ingrid Kuhlman, framkvæmdastjóri Þekkingarmiðlunar, stjórnaði fundinum og tók saman niðurstöður ásamt fulltrúa frá hverjum hópi. Jafnrétti hlaut flest atkvæði en þar á eftir komu virðing og fjölbreytileiki. Í framhaldi af þessari vinnu verður unnið markvisst með hin nýju gildi og merkingu þeirra fyrir skólastarfið.

 Fjölbrautaskóli Vesturlands Akranesi | Vogabraut 5 | Sími: 433-2500 | skrifstofa(hjá)fva.is 
Kennitala: 681178-0239 | Opnunartími skrifstofu virka daga: 8:00-12:30 og 13:00-15:00